स्याङ्जाको पुतलीबजार नगरपालिका पूर्ण खोप सुनिश्चितता नगर घोषित भएको छ । नगरपालिकाको सभाहलमा आयोजित कार्यक्रममा पूर्ण खोप सुनिश्चितता तथा दिगोपनाका लागि प्रतिबद्धता गरिएको हो ।
पालिकालाई `शिक्षा स्वास्थ्य र पुर्वाधार समुन्नत पुतलीबजारको आधार, स्थानीय स्रोतको उपयोग, स्वामित्व र सहभागिता, पूर्ण खोप सुनिश्चितता हाम्रो प्रतिबद्धता´ भन्ने मुल नारासहित पूर्ण खोप सुनिश्चितता नगर घोषित गरिएको हो ।
पालिकाभित्रका सबै बालबालिकालाई पाउनुपर्ने खोप उपलब्ध गराइसकेपछी पूर्ण खोप सुनिश्चितता नगर घोषणा गरिएको नगरप्रमुख तुलसीराम रेग्मीले जानकारी दिए । उनले घरधुरी सर्वेक्षणपछि नगरभित्र १६ देखि ५९ महिनासम्मका बालबालिकालाई १५ महिनाभित्र ७ पटकमा १३ प्रकारका खोप लगाइएको बताए । नगरप्रमुख रेग्मीले राज्यले बाल मृत्युदर घटाउनका लागि हजारौं लगानी गरेको बताउँदै उपयोग गरि स्वास्थ्य लाभ लिन सुझाव दिए ।
उक्त कार्यक्रममा राष्ट्रिय खोप तालिकाअनुसार नगरभित्रका सबै बालबालिकालाई खोप उपलब्ध गराउनुपर्नेमा नगर उपप्रमुख देवी अर्यालले जोड दिएकी थिइन् ।
पुतलीबजार नगरपालिका स्वास्थ्य शाखाले नगरभित्रका १६ देखि ५९ महिनासम्मका एक हजार ८२२ जना बालबालिकालाई पूर्ण खोप लगाइएको जनाएको छ । नगर स्वास्थ्यको तथ्यांकअनुसार नगरभित्र वर्षेनि चार सय देखि पाँच सयसम्म शिशु जन्मने बताइएको छ ।
सम्बन्धित खबर
स्याङ्जा आँधिखोलामा डुबेर ६८ वर्षीया पविसराको मृत्यु
स्याङ्जामा गस्ती गएका प्रहरीमाथी कुटपिट, चौकी इन्चार्जलाई कुट्ने दुई युवा पक्राउ
स्याङ्जामा आगलागीका घटना दिनहुँ बढ्दै, लाखौंको क्षति
बिरुवा प्रज्ञा प्रतिष्ठानले बृहत लोक सांस्कृतिक कार्यक्रम गर्ने
वालिङमा चक्कु प्रहारबाट २० वर्षीय युवकको मृत्यु
युवा संघ स्याङ्जाको आगलागी पीडितलाई सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग